nyhende
Bil havna på taket og tok fyr
Tysdag kveld rykka nødetatane ut til melding om ei trafikkulykke på E39 ved Valestrand.
Publisert
Sist oppdatert
Meldinga gjekk ut på at det var brann i ein bil som låg på taket. Det vart også meldt om brann i terrenget i nærleiken av bilen.
Kraftig røykutvikling
Klokka 20.53 melde politiet at politi og brannvesen var på ulykkesstaden.
– Vegen er stengt. Ein person involvert, ukjent skadeomfang. Det skal fortsatt brenna i bilen, og det meldes om kraftig røykutvikling frå staden, opplyste operasjonsleiar Arnt Henning Larsen ved Sør-Vest politidistrikt.
Annonse
Nokre minuttar etter kom det ny melding i politiloggen om at brannvesenet hadde sløkt brannen.
Mistenker ruskøyring
Klokka 22.17 var politiet framleis på staden, og vegen var midlertidig opna med manuell dirigering.
– Førar av bilen, ein mann i 20-åra, blei køyrt til Stord sjukehus for sjekk. Politiet opprettar sak på forholdet. Førar er mistenkt for å ha køyrt bil i ruspåverka tilstand, og vil bli tatt nødvendige prøver av, seier operasjonsleiaren.
