nyhende
Bibliotekar til koronasenter
Sveio folkebibliotek mister personalressurs til koronasenteret i Tysvær i eitt år framover. På same tid får skulehelsetenesta ressursen sin tilbake.
– 50 prosent bibliotekstilling vert nytta til Test-senteret i Aksdal i eitt år frå midten av november. Dette er ei løysing for å unngå bruk av helsesjukepleiarar frå skulehelsetenesta, opplyser kommunalsjef Helse og omsorg, Ingunn Toft.
Dette vil i praksis bety at skulehelsetenesta får tilbake sitt opprinnelege tilbod. I staden blir ressursane teke frå Sveio folkebibliotek.
Tidlegare er det bestemt at tre personar i Sveio kommune skal dekka to årsverk ved koronasenteret i Aksdal. Frå midten av november blir dette fordelt slik; eit halvt årsverk frå Sveio folkebibliotek, eitt årsverk frå NAV flyktningetenesta, og eit halvt årsverk frå helsesjukepleiar.
