Berga truleg 68 dyreliv

Det var klokka 9.40 fredag at brannvesenet fekk melding frå ein sauebonde i nærleiken av Ålfjorden, om at meir enn 20 sauer hadde falle ned i ein møkkakjellar.

Tre mann hoppa i skiten

Mannskap frå Haugaland brann og redning IKS kom raskt til staden for å hjelpe bonden med å redde dyra.

Det viste seg etter kvart å vere snakk om 17 sauar som hadde ramla ned.

— Alle sauene hadde trillingar, fortel utrykkingsleiar Silje Therese Kvalvågnes ved Sveio brannstasjon til Vestavind.

Med andre ord var det til saman 68 dyreliv som stod på spel i dramaet.

Etter å saman med bonden ha skaffe seg oversikt over situasjonen vart redningsaksjonen sett i gang.

— Me kledde tre mann i livredningsdraktar, og sende dei ned i skiten, fortel Kvalvågnes.

Brannmannskapet jobba iherdig i ein om lag ein time før alle dyra var oppe.

Alle berga livet

Til alt hell var det ikkje meir møkk i kjellaren enn at alle sauene sto med hovudet i friluft. Etter iherdig innsats blei alle sauene redda opp. Det kom også dyrlege til staden, og til slutt kunne ein konstatere at alle sauene kom frå det med livet i behald.

— Dyra skal ha det bra etter forholda, så det ser ut til å ha enda godt, seier Kvalvågnes.

Brannmannskap må vere budde på alle mogelege oppdrag, men å måtte hoppe ned i kuskit og stå med skit til livet er ikkje kvardagskost.

— Oppdrag som dette skjer ikkje ofte, men det er ein del av utfordringane med må løyse, slår Kvalvågnes fast.

Årsaka til at sauene fall ned i møkkakjelleren er ikkje kjend.