nyhende
Båteigar har meldt seg
Politiet fekk måndag 12. mai melding om ein båt som var funnen drivande i Ålfjorden. Båten er no henta inn og ligg i Vikebygd.
Ifølgje politiet er det snakk om ein Steady 320, som er svart med blå botn. Det er førebels ukjent kva type påhengsmotor som står på båten.
– Vi ønskjer at den som saknar ein slik båt tek kontakt med politiet, slik at båten kan leverast tilbake til rett eigar, seier vaktsjef Trond Børge Åsbu ved Haugesund politistasjon.
Like etter klokka 14.00 melde politiet at båteigaren har meldt seg. Vedkomande vil bli gjenforeint med båten sin, opplyser politiet.
