Det å stifte familie og få barn gjer folk meir religiøse, meiner norske forskarar.FOTO: NPK
Barn gjer folk meir religiøse
Ny norsk forsking utfordrar førestillinga om at religiøse får fleire barn. Tvert imot meiner forskarane at det å stifte familie gjer folk meir religiøse.
NPK-NTB: Professor Morten Blekesaune på Fakultet for samfunnsvitskap ved Universitetet i Agder seier til Vårt Land at det å vere religiøs i seg sjølv ikkje gjer at vi giftar oss og får fleire barn. Det er heller slik at det å få barn og gifte seg gjer folk meir religiøse.
– Dersom du spør nokon om dei er gift, har barn, og kor religiøse dei er, så viser studiar at det er ein klar samanheng mellom ekteskap, barn og religiøsitet. Men det gir berre eit augneblinksbilete og seier ingenting om årsaksrekkjefølgja, seier professor Blekesaune.
Ved å samanlikne utviklinga i religiøsiteten til menneske med når dei giftar seg og får barn, har Blekesaune funne ein klar årsakssamanheng: Både ekteskapsinngåing og barn gjer oss meir religiøse.
– Den statistiske modellen vår viser at denne effekten kan forklare nesten heile avviket i fruktbarheit mellom religiøse og ikkje-religiøse, seier han til Vårt Land.
Forskingsrapporten « Does forming a nuclear family increase religiosity? » vart publisert i tidsskriftet European Sociological Review i november. Blekesaune har skrive artikkelen saman med Vegard Skirbekk, forskingsleiar på Avdeling for fruktbarheit og helse på Folkehelseinstituttet.
NPK-NTB: Professor Morten Blekesaune på Fakultet for samfunnsvitskap ved Universitetet i Agder seier til Vårt Land at det å vere religiøs i seg sjølv ikkje gjer at vi giftar oss og får fleire barn. Det er heller slik at det å få barn og gifte seg gjer folk meir religiøse.
– Dersom du spør nokon om dei er gift, har barn, og kor religiøse dei er, så viser studiar at det er ein klar samanheng mellom ekteskap, barn og religiøsitet. Men det gir berre eit augneblinksbilete og seier ingenting om årsaksrekkjefølgja, seier professor Blekesaune.
Ved å samanlikne utviklinga i religiøsiteten til menneske med når dei giftar seg og får barn, har Blekesaune funne ein klar årsakssamanheng: Både ekteskapsinngåing og barn gjer oss meir religiøse.
– Den statistiske modellen vår viser at denne effekten kan forklare nesten heile avviket i fruktbarheit mellom religiøse og ikkje-religiøse, seier han til Vårt Land.
Forskingsrapporten « Does forming a nuclear family increase religiosity? » vart publisert i tidsskriftet European Sociological Review i november. Blekesaune har skrive artikkelen saman med Vegard Skirbekk, forskingsleiar på Avdeling for fruktbarheit og helse på Folkehelseinstituttet.
