nyhende
Aktløyse er ei av hovudårsakene til ulukker i landbruket
Landbruket har mange ulukker og arbeidsrelaterte dødsfall. Storleiken på garden, type avling, dyrehald og arbeidsmetodar som blir brukte er faktorar som påverkar frekvens og alvorsgrad.
– Rundt 240 bønder opplever kvart år ei ulukke som gir varige fysiske lidingar. I tillegg kjem eit høgt, men ukjent tal på bønder med slitasjeskadar på grunn av høg arbeidsbelastning over tid, seier Brit Logstein, leiar for Nasjonalt kompetansesenter for landbrukshelse og forskar ved Ruralis, i ei sak på nettsidene til Ruralis.
Har kartlagt over 9.000 bønder
– Det også verd å merke seg at mange bønder tek tryggleik på alvor og tek forholdsreglar for å minimere risikoen for skadar og ulukker. Det finst mange organisasjonar og ressursar som tilbyr opplæring og rettleiing om tryggleik for bønder, understrekar Logstein.
Over 9.000 bønder har bidrege til den store HMS-kartlegginga som vart gjennomført i fjor. Eit funn frå undersøkinga er at dei utan landbruksfagleg utdanning har færre ulykker samanlikna med dei med landbruksfagleg utdanning.
Sunt bondevett
– Jeg tolkar det slik at «sunt bondevett» og praktisk erfaring til kvardagslege oppgåver og problem er sannsynleg svært viktig for sikker drift, seier Bjørn A. Hvaleby, fagsjef i Kvalitetssystem i landbruket – KSL.
Landbruks- og matdepartementet gav Stiftinga Norsk Mat oppdraget med å skaffe oversikt over arbeidsrelaterte ulukker, brann og HMS-arbeid i landbruket. Kunnskap om kvifor og korleis ulykker og brann skjer, er viktig for å førebyggje slike hendingar på norske gardsbruk. I januar i fjor vart spørjeundersøkinga send til alle registrerte personar i Landbruksregisteret. Nasjonalt fagkompetansesenter for landbrukshelse har analysert dataa og laga rapporten.
