nyhende
758 millionar til inkludering av barn og unge
Regjeringa vil at alle barn uansett bakgrunn, skal kunna delta i fritidsaktivitetar. I år har regjeringa auka støtta til tiltak for å gi fleire barn og unge høve til å delta på fritidsaktivitetar og andre arenaer for meistring og inkludering.
I årets første tildelingsrunde blir det delt ut 165 millionar kroner til nye søknader, av dei totalt 758 millionar kronene som skal ut gjennom ordninga i 2024, informerer regjeringa om i ei pressemelding.
Meir om ordninga og kven som har fått støtte i første tildelingsrunde finn du her.
Sveio er med i ordninga
Det er eit krav at din kommune er påmeldt ordninga for å søka på dei fleste aktivitetstypane, og Sveio er med i ordninga. Offentlige instansar, frivillige organisasjonar og private aktørar kan søka om tilskot, og du kan søka tilskot for ein periode på inntil tre år.
Organisasjonar og prosjekt med øyremerking i statsbudsjettet kan berre søka om tilskot for eitt år av gongen.
Tilskotssåret går frå 1. januar til 31. desember, og fristen for å søka midlar er i november året før. Det er difor ikkje mogeleg å søka midlar for 2024 no, men det kan vera lurt å starta i god tid med søknadar for neste år.
Målgruppa
Målgruppa for tilskotsordninga er barn og unge i alderen frå 0 til og med 24 år som av ulike grunnar står i fare for å hamna i utanforskap. Offentlege instansar, frivillige organisasjonar og private aktørar kan søka om tilskot.
Det er mellom anna gratis eller rimelege ferie- og fritidsaktivitetar, utstyrssentralar og fritidsklubbar som kan få tilskot. Ordninga går også til lokale fritidskassar, som skal dekka utgifter til organiserte fritidsaktivitetar for barn og unge i kommunane.
