nyhende
25-årsmarkering for Sleipner-ulukka
I dag er det 25 år sidan snøggbåten «Sleipner» grunnstøytte og sokk ved Bloksene utanfor Ryvarden. I ettermiddag blir det markering ved minnesmerket.
Forliset skjedde om kvelden fredag 26. november 1999. 16 menneske mista livet.
Ved minnemarkeringa i dag blir det talar av leiar i støttegruppa for overlevande og etterlatne Tove Følid, ordførar André Mundal Haukås og ein representant for Røde Kors. Det blir musikalsk innslag ved Elida Høgalmen. Det er sett opp minibussar frå Bergen og Stavanger for folk som vil delta. Det blir også ordna med transport frå Mølstrevåg til Ryvarden.
Vestavind dekkar minnemarkeringa og følgjer opp med reportasje frå Ryvarden. Les også tilbakeblikket som Vestavind laga i samband med 20-årsmarkeringa for ulukka i 2019.
