Det er 60 prosent fleire bulkeskadar 16. mai enn andre dagar i vårmånaden, ifølgje Fremtind.FOTO: NPK
16. mai er «den vesle bulkedagen»
22. desember er kjend som den store bulkedagen for norske bilistar. 16. mai siglar opp som ein ny dag med mange slike skadar, ifølgje forsikringsselskapet Fremtind.
NPK: – Stress og mangel på merksemd er ein gjengangar på typiske utfarts- og handledagar. Det fører til mange skadar. Ta deg god tid, la mobilen liggje når du køyrer og ta det pent i parkeringshus, seier skadeførebyggjar Therese Hofstad-Nielsen i Fremtind.
Fremtind er forsikringsselskapet til SpareBank1 og DNB.
Pandemien har dei siste to åra gitt mindre trafikk og ei unormal 17. mai-feiring. I normale år, som i 2018 og 2019, har forsikringsbransjen registrert langt fleire bulkeskadar på 16. mai enn andre dagar i mai.
I 2018 var det 182 bulkeskadar 16. mai, medan snittet for mai var 108 skadar per dag. I 2019 var det 179 bulkeskadar 16. mai, medan snittet på var på 116 skadar per dag i mai.
– 16. mai er den store handledagen før nasjonaldagen. Vi registrerer over 60 prosent fleire bilsmell i samband med rygging, påkøyring bakfrå og skadar på parkerte bilar enn elles i mai. Rygg inn når du parkerer og ikkje bruk parkeringshus, om du kan, seier Hofstad-Nielsen.
Her er nokre tips:
* Ta deg god tid når du skal parkere og rygg alltid inn på parkeringa, ikkje ut.
* Ikkje stol blindt på alle funksjonane i bilen, som til dømes ryggekamera. Rørslene til bilen er sjåføren sitt ansvar åleine,
* Nyare bilar og spesielt mange elbilar har god akselerasjon. Ta det pent ut av kryss, ut av rundkøyringar og når du skal «flette» i kø, inn og ut av kollektivfelt eller på motorvegen.
* Køyr alltid pent og etter forholda.
* Og som alltid i trafikken: Hald deg unna mobiltelefonen.
NPK: – Stress og mangel på merksemd er ein gjengangar på typiske utfarts- og handledagar. Det fører til mange skadar. Ta deg god tid, la mobilen liggje når du køyrer og ta det pent i parkeringshus, seier skadeførebyggjar Therese Hofstad-Nielsen i Fremtind.
Fremtind er forsikringsselskapet til SpareBank1 og DNB.
Pandemien har dei siste to åra gitt mindre trafikk og ei unormal 17. mai-feiring. I normale år, som i 2018 og 2019, har forsikringsbransjen registrert langt fleire bulkeskadar på 16. mai enn andre dagar i mai.
I 2018 var det 182 bulkeskadar 16. mai, medan snittet for mai var 108 skadar per dag. I 2019 var det 179 bulkeskadar 16. mai, medan snittet på var på 116 skadar per dag i mai.
– 16. mai er den store handledagen før nasjonaldagen. Vi registrerer over 60 prosent fleire bilsmell i samband med rygging, påkøyring bakfrå og skadar på parkerte bilar enn elles i mai. Rygg inn når du parkerer og ikkje bruk parkeringshus, om du kan, seier Hofstad-Nielsen.
Her er nokre tips:
* Ta deg god tid når du skal parkere og rygg alltid inn på parkeringa, ikkje ut.
* Ikkje stol blindt på alle funksjonane i bilen, som til dømes ryggekamera. Rørslene til bilen er sjåføren sitt ansvar åleine,
* Nyare bilar og spesielt mange elbilar har god akselerasjon. Ta det pent ut av kryss, ut av rundkøyringar og når du skal «flette» i kø, inn og ut av kollektivfelt eller på motorvegen.
* Køyr alltid pent og etter forholda.
* Og som alltid i trafikken: Hald deg unna mobiltelefonen.
