nyhende
MGP-eventyret over for Trollfest
Jostein Austvik frå Sveio og resten av Trollfest-gjengen er ute av MGP.
Bandet hans Trollfest og låta «Dance Like A Pink Flamingo» fekk ein siste sjanse til å nå MGP-finalen laurdag kveld, men måtte sjå seg slått av Maria Mohn og låta «Fly» i den siste av to røystingar.
Dermed er MGP-eventyret over for denne gangen for dei rosa flamingoane.
I den to-delte sistesjansen fekk alle dei 12 som ikkje hadde gått vidare frå dei fire delfinalene ein siste mogelegheit til å kjempe om det siste av 10 gullpass som sikra plass i MGP-finalen som blir sendt direkte på NRK 1 neste laurdag.
Vinnaren av den norske finalen skal vidare til den internasjonale finalen i Torino i Italia i mai.
